Cyfrifon ac Archwilio

Y BROSES CYFRIFON AC ARCHWILIO

Mae Adran 12 o Ddeddf Archwilio Cyhoeddus (Cymru) 2004 yn ei gwneud yn ofynnol i gyrff llywodraeth leol yng Nghymru lunio eu cyfrifon bob blwyddyn hyd at 31 Mawrth a sicrhau bod Archwilydd Cyffredinol Cymru yn archwilio’r cyfrifon hynny. Mae Rheoliad 14 o Reoliadau Cyfrifon ac Archwilio (Cymru) 2014 (Rheoliadau 2014) yn nodi bod yn rhaid i gyrff llywodraeth leol llai, h.y. y rhai hynny ag incwm a gwariant sy’n llai na £2.5 miliwn, baratoi eu cyfrifon yn unol â’r arferion priodol.

Caiff yr arferion cyfrifyddu priodol ar gyfer cynghorau tref a chymuned, cydbwyllgorau llai ac awdurdodau iechyd porthladd eu diffinio gan reoliad 25 yn Rheoliadau Awdurdodau Lleol (Cyllid Cyfalaf a Chyfrifyddu) (Cymru) 2003 neu reoliad 4 yn Rheoliadau 2014 fel a nodir yng nghyhoeddiad Un Llais Cymru/Cymdeithas Clercod Cynghorau Lleol Governance and accountability for local councils in Wales – A Practitioners’ Guide (y Canllaw i Ymarferwyr). Mae’r Canllaw i Ymarferwyr yn ei gwneud yn ofynnol i’r cyrff hyn baratoi eu cyfrifon ar ffurf Ffurflen Flynyddol.